«Ұстаз – ұлы тұлға» —  атты  концерттік бағдарлама

Суясинов Бахытжан Сембаевич, 29 С.Сейфуллин атындағы ЖОМ коммуналдық мемлекеттік мекемесі, Өзін-өзі тану пәні мұғалімі

ФЛЕШМОБ

  1. жүргізуші:

Санасына  шәкірттің,

Білім нәрін сіңірген.

Ұстаз алдын  көргендер,

Заман  көшіне  ергендер.

Абыройын  асқақтап,

Орынын  әркез төрден  бер!

2 — жүргізуші:

Құрметті ұстаздар! Сіздерді Мұғалімдер күнімен шын жүректен құттықтаймыз! Сіздердің бала көңілдеріңіз əр оқушының жандүниесін нұрландырып, жүрегіне шапағат нұрын төгуде. Мұғалімнен өнеге-білім алып, өмір теңізіне құлаш ұрған кез келген шəкірт ұстазымен мақтанады.

1 — жүргізуші:

Иə, бұл колледж мұғалімі — ұстазға арналған теңеулер. Мұндай мадақтауларды жалғастыра берсек, даналық сөздер тізбегі шексіздікке ұласады. Мерейлі мерекеде дендеріңізге саулық, отбасыларыңызға амандық, істеріңізге сəттілік тілейміз.

  1. – жүргізуші:

Көңілдеріңізді  кірбін шалмасын, жүректеріңіз таза, мөлдір болсын. Арман-тілектеріңіз орындалып,  аспандарыңыз ашық, жұлдыздарыңыз жарық болсын.

1 – жүргізуші: Көпке үлгі өздеріңіз салған даралық

Бір сіздерден табылады даналық

Ортамызда аман-есен жүріңіздер

Ұрпақтарға тәлім беріп, дара нық.

2 – жүргізуші:

Бақытты қолдан  жасарлық күш бар ұстазда

Уақыттан  алға  асарлық  күш  бар ұстазда

Ой-сана  түлеп , күнде өсетін де  ұстаздар

Болашақтарға  сән қосатын да  ұстаздар

Ән: «Ұстазым» әні орындайтындар.

1 — жүргізуші:

Ұстаз деген ұлы сөз ұлағатты,

Ол болмаса, кім береді парасатты.

Асылын беріп шәкірт бойларына,

Ағартқан сол үшін де қара шашты

2 — жүргізуші:

Ұстазға әркім басын ию керек,

Кемеңгер, ақылшым деп білу керек.

Сен бүгін керемет боп кетсең дағы,

Жеткізген сол ұстаз деп білу керек.

Би: шығыс биі ортаға шақырайық

1 — жүргізуші:

Шәкіртіне «Өмір сырын ұға біл!»

Деген ұстаз – ұстасы ғой мұраның.
Құрметтеген бар адамзат баласы
Қастерлі есім, екінші ана – мұғалім.
Жүрек жарып шын көңілмен жырлаған
Тыңдаңыздар шәкірттердің алғысын, — құттықтау сөз кезегі жатақхана студенттеріне беріледі. (ұстаздармен ойын ойнау)

Ән: «Туған жер » әні орындайтын

2- жүргізуші: Ұстаз! Ұстаздық – ұлы нәрсе. Ұстаздық ету өзіңнің уақытыңды аямау, өзгенің бақытын аялау. Жарық дүниеде бұдан асқан қиын, бұдан асқан қиямет қайым қызмет жоқ. Патшалық құру ұстаздық етуден он есе жеңіл. Ұстаздық міндетті батыр да, бай да, патша да атқара алмас. Ұстаздық ұстаздан басқа ешкімнің қолынан келмейді. Қысқасы патшалық құру – рахат, ал ұстаздық ету – бейнет.
1- жүргізуші: Сол бейнеттің зейнетін көріп отырған аяулы ардагер ұстаздарымыз да, 20 – 30 жылдан астам ұстаздық етіп келе жатқан аяулы ұстаздарымыз бар. Қадірлі ұстаздар! Жаныңызға шуақ шашар сәулелі мерекелеріңізбен шын жүректен құттықтап сіздерге зор денсаулық, ұзақ өмір, қажымас қайрат, еңбектеріңізге табыс, отбасыларыңызға береке мен шаттық тілей отырып,

Ән: «Ана мен сәби» әні орындайтын. Қабыл алыңыздар!

2- жүргізуші: Шәкірттерін азамат қып саналы,
Ұстаз ана, дана бола алады.
Ең бастысы ұстаз мына өмірде
Ұлағат боп, ұлылық боп қалады.

  1. жүргізуші: Ұстаз біздің ұлы тұлға ардақты

Ұстаз біздің анамыз ғой аяулы

Құрметтейік, пір тұтайық әрдайым

Осынау бір ұлы есімді мәңгілік

 

2- жүргізуші: Өнерпаздар жарысып сан-саналы
Жиын десе, той десе жан салады.
Ұстаздардың мерекесі құрметіне
Әуелеген әсем ән де жолданады.

КВН жатақхана жігіттерін шақырамыз

1- жүргізуші: Ұстаздық жол жеңіл емес кімге де,
Кім көрінген ілікпейді жүлдеге
Мүсіндеуге келешектің келбетін
Күн-күн сайын шығады ол мінбеге.

 

2 – жүргізуші: Жақсылар ұмытпайды ұстаздарын,

Ойлайды, олар сонымен ұшталғанын.

Мәңгілікке мақтанып өтеді ұстаз,

Шәкіртінің биікке шыққандарын.

Би: өзбек биі

1 – жүргізуші: Ұстазы жақсының – ұстамы жақсы деген сөз тегіннен-тегін айтылмаса керек. Ата-анадан кейінгі балаға білім беріп, тәрбие үйрететін сол ұстаз.

2-жүргізуші: Ұстаз деген – жүрегімнің от боп жанған алауы

Ұстаз деген – өмірімнің мәңгі өшпес жалауы

Ұстаз деген — Тәңіріміз сыйға берген ұлылық

Ұлылықты сақтайықшы, ұлы есім ғып мәңгілік,

1 – жүргізуші: «Ұстаз» деген ардақты сөз, ұлы есім ғой, бұл есім
Ұлы есімнің қасиетін есіңе алып жүресің
Сол ұстаздың көмегімен ойлы қырмен шапқылап,
Білім деген тұлпарға да сол арқылы мінерсің.
Шәкірті жоқ ұстаз деген – жапырақсыз теректер
Ұстазымның шәкірті үшін маңдайымнан ағар тер.
Біріншіден, ата-анам жетелесе өмірге
Екіншіден,  ұстазым-ау, өзің болдың себепкер.
Ән: «Мерекем» әні орындайтындар

2-жүргізуші: Ұстаз күні – Ұлы күн, Әлем күні,

Әлемді тебірентер – Ұстаз үні

Ұстассыз шәкірт жоқ жер бетінде

Ұғып ал, бөбектерім, сендер мұны

1– жүргізуші: Күнде той бола бермес дәл осындай,

Күн сайын өркендейміз, өзгереміз,

Ұл-қыздың бақыты үшін ғұмыр кешкен

Ұстаздарға мың алғыс деп бас иеміз

Хор: «Ұстазым»

Флешмоб

2-жүргізуші: көңілдің ақ тілегін қол етеміз,

Тілектермен ұлғайсын мерекеміз

Ұстаздарға жолдаймыз аппақ алғыс

Осымен аяқталды концертіміз.

1 – жүргізуші: Осымен «Ұстаз – ұлы есім» атты мерекелік кешіміз өз мәресіне жетті. Сіздерді тағы да ұстаздар күнімен шын жүректен құттықтаймыз!

Загрузка...
Загрузка...
Бөлісу